.png)
تسويات بين الكذبات
سمعنا بأن هناك باخرة المازوت التي ينتظرها سكان محافظة الحديده
ياسلام عليكم وعلى المازوت إيش هذا المصطلح الجديد الذي جعل الناس فارحين ومشتاقين للسفينة الفضائيه المحمله بمادة المازوت المخصب والمشع التي لايمتكلها إلا سكان المريخ وأنسابهم في زحل
مادة جديده عبارة عن ريبورت
لابس قاوق وجنبيه وزنه وكوت
يسبح في الملكوت
ويرقد في الخبوت
وجبته المفضله السلته والشفوت
وإذا بطل الشمه والقات يموت.....
لايضحك عليكم كمن هلفوت
بكذبة أوهن من بيت العنكبوت
المازوت هو الديزل والديزل هو المازوت
بس عملو تسويه بين المصطلحين والمسمى واحد
بدل مايقولو لكم ديزل قالو مازوت للضحكة على الدقون.....
قالوا تمت السيطرة أمس على جبل جالس المطل على قاعدة العند
يالله يارجال لاتضيعوا الفرصة الأمريكيين الكفار تحت مرمى أسلحتكم نشتي تضربوا قاعدة العند ولو بصارخ واحد كاتيوشا
لكي يسنب جبل جالس ويرفع راسه بكم
وتقع تسويه في الإسم
وأتحداكم تفعلوها
الفرق بين عدن وصنعاء
هو أن القائمين على عدن أسرق من القائمين على صنعاء والدليل المشتقات النفطية في عدن سعرها أضعاف السعر في صنعاء
المشكله ليست في عدم توفر البترول والغاز
لكن المشكلة في تركيبة اللصوص والمنتفعين والرغبة في نهب وسرقة المواطن الغلبان
الشله في عدن فعلوا كذبه وقالوا الكهرباء قريبا في عدن
والشله في صنعاء قالوا لازم نفعل مثلهم كذبه بكذبه وكلنا عيال تسعه مازيدهم الله علينا
جهزوا كذبه مشابهه وقالوا البدأ في تأهيل محطة حزيز وقريبا ستعود الكهرباء تدريجيا للعاصمه
ياجماعه نعمل تسويه ونتنازل بالكهرباء حق صنعاء لمحافظة الحديده هم أحق بها ونحن نؤثرهم علينا وبلاش مزايدات خلوا عندكم شوية دم وحلوا مشكلة الحديده المحافظة المنكوبه وأبوها صنعاء وحزيز وذهبان وبني حشيش
كذبه بصنعاء
وكذبه في عدن
والحديده لها سيدي حسن .
0 التعليقات: